السلام عليكم و رحمة الله تعالى و بركاته
كيدايرين يا الانيقات لاباس عليكم اشخباركم ان شاء الله تكونو فاحسن الاحوال
اليوم درت نستلي و تفكرت باش نصورو ليكم انيقاتي
ادن غادي نحتاجو
المقادير
180 غرام حليب غبرة
120غرام سكر سنيدة
80 مليليتر ماء غليان تلت كاس تقريبا
50 غرام الزبدة مذوبة
الطريقة
نخلطوا جميع المقادير فالخلاط الكهربائي لمدة 2 او 3 دقائق
يمكن نحتفضو به فالثلاجة لمدة 5 ايام
و هنا خديت شوية ديال الحليب و درتو فبان ماري
و على نار مهيلة خليتو و انا كنحركو مرة مرة
ها هو بدا كيتبدل اللون ديالو
و هاهو ولا كرامل
هاد الطريقة هي لي كنديرهادي اكثرمن عامين اخواتي
بالنسبة للكرامل هادي اول مرة نجرب هاد الطريقة
ملاحظة من الافضل استعمال سنيدة تكون رقيقة باش تدوب بسرعة